| పల్లవి: |
| కొనియాడఁ దరమె నిన్ను-కోమల హృదయ-కొనియాడఁ దరమె నిన్ను |
| తనరారు దినకరు-బెనుతారలను మించు-ఘనతేజమున నొప్పు-కాంతిమంతుఁడ వీవు |
| 1. |
| ఖేరుబులు సెరుపులు – మరి దూత గణములు |
| నూరుతరంబుగ గొలువ – నొప్పు శ్రేష్ఠుడ వీవు |
| ...కొనియాడఁ... |
| 2. |
| సర్వలోకంబులఁ – బర్వు దేవుడ వయ్యు |
| నుర్వి స్త్రీ గర్భాన – నుద్భవించితి వీవు |
| ...కొనియాడఁ... |
| 3. |
| విశ్వమంతయు నేలు వీరాసనుడ వయ్యు |
| పశ్వాళితోఁ దొట్టి – పండియుంటివి నీవు |
| ...కొనియాడఁ... |
| 4. |
| దోసంబులను మడియు – దాసాళి గరుణించి |
| యేసుపేరున జగతి కేగుదెంచితినీవు |
| ...కొనియాడఁ... |
| 5. |
| నరులయందున గరుణ – ధర సమాధానంబు |
| చిరకాలమును మహిమ పరగ జేయుదు వీవు |
| ...కొనియాడఁ... |
| 6. |
| ఓ యేసు పాన్పుగ – నా యాత్మ జేగొని |
| శ్రేయముగ బవళించు శ్రీకర వరసుత |
| ...కొనియాడఁ... |